Marketinq planı yaratmağın faydaları

Marketinq planı yaratmağın faydaları saymaqla bitməz. İş sahibləri, ümumiyyətlə, öz uzaqgörənlikləri ilə hərəkət etməyi seçirlər. Lakin təcrübələr ilə gələn qorxular çox əhəmiyyətli olsa da, marketinq mövzusundakı hədəflərinizə çatmanız üçün kifayət etməyə bilər. Marketinq strategiyaları hədəflərinizi təyin etmənizdə və bu hədəflərə çatmaq üçün izləməniz lazım olan yolları inkişaf etdirmənizdə köməkçi olar.
Bazarlamada müvəffəqiyyətli olan şirkətlər hər zaman marketinq planı ilə çalışan şirkətlərdir. Böyük şirkətlər yüzlərlə səhifəlik, kiçik şirkətlər 8-10 səhifəlik planlar təşkil edirlər. Şirkətinizin böyüklüyünə görə marketinq plan tərtib edin. Marketinq planınızı ən az 3 aydan bir nəzərdən keçirin. Performansa nəzarət etmək üçün reallaşma rəqəmləri ilə müqayisə edin.
Marketinq planı ən az bir illik olmalıdır. Kiçik şirkətlər üçün bu Marketinq haqqında düşünmənin ən yaxşı yoludur.Daha sonra planınızın bir hissəsində də ortamüddətli gələcəyin 2-4 il arasının yer almasını məsləhət görürük. Lakin ağırlıqlı bölümdə ilk ilə diqqət edilməlidir.
Yalnız bir neçə səhifədən ibarət olsa belə, planı hazırlamaq üçün özünüzə bir neçə ay vaxt verməlisiniz. Planı inkişaf etdirmək marketinqin ən çətin hissəsidir. Planı tətbiq edərkən, nəyi necə edəcəyinizə qərar vermək marketinqin ən böyük məsələsidir. Çox marketinq planı ilin ilk günüylə başlayır.
Planınızı kimlər görməli? - Şirkətdəki bütün işçilər. Ş irkətlər bir neçə müxtəlif səbəblə marketinq planlarını çox gizli tuturlar. Ya çox kiçik olduqları və rəhbərlik bunun ortaya çıxmasından narahat olduğu üçün, ya da rəqiblər üçün qiymətli məlumatlarla dolu olduğu üçün.
Bir çox insanın iştirakını təmin etmədən marketinq planı edə bilməzsiniz. Miqyası nə olursa olsun, şirkətinizin bütün hissələrindən, işçilərindən fikir alın. Bu sayədə marketinq planınızın bütün bucaqlardan ələ alınması təmin ediləcək. Şirkətinizin kilid kəsləri hədəflərinizə necə çatacağınıza, nələrin əlçatan olduğuna dair həqiqi məlumatları təmin edə bilər, potansiallarla əlaqədar öz fikirlərini paylaşar. Hələ fərqinə varılmamış marketinq imkanları planınıza başqa bir ölçü qatacaq.
Marketinq planı ilə İş planı və ya vizion arasındakı əlaqə nədir? İş planınız işinizin nə haqqında olduğunu, nə edib-nə etmədiyinizi, son hədəfinizin nə olduğunu söyləyər. İş planınız xaricində bir şey etmək istəyirsinizsə, ya fikrinizi , ya da iş planınızı dəyişdirməniz lazımdır. İş planınız marketinq planınızı çiçəklənəcəyi mühiti hazırlayar. İki sənəd ardıcıl olmaq məcburiyyətindədir.
Digər tərəfdən marketinq planı sizə bir çox təməl fayda verər.
Yığışma nöqtəsi: Marketinq planı komandanızın arxasında toplanacağı bir vasitədir. Onlara gəminin kapitanının xəritələrə sahib olduğunu, gəmini necə idarə edəcəyini bildiyi və çatacaq bir hədəfinin olduğu etibarını verməlisiniz. Şirkətlər sıxlıqla marketinq planının işçiləri üzərindəki təsirini düzgün qiymətləndirmir. Əgər işçilərin şirkətə bağlılıqlarını təmin etmək istəyirsinizsə, onlarla hədəflərinizi paylaşmanız çox əhəmiyyətlidir.İşçilər əksəriyyətən maliyyə proqnozları anlamazlar, amma yaxşı yazılmış bir marketinq planından həyəcan duyarlar. Marketinq planınızın xülasə versiyasını bütün çalışanlarınızla paylaşmanızda fayda vardır. Bunu əyləncəli bir şəkildə, həyəcan yaradaraq etməniz, işçilərin mövzuya daxil etməniz onları motivasiya edəcək.
Müvəffəqiyyət cədvəli: Hamımız bilirik ki, planlar mükəmməl deyil. 1 il və ya 5 il sonra nələr olacağını hardan bilə bilərikki? Marketinq planı hazırlama lazımsız bir səy deyilmi? Onun yerinə müştəri ziyarəti etmək və ya istehsalı yaxşılaşdırmaq daha faydalı deyilmi? Dar bir dünyagörüşüylə bəli. Əgər plan yaratmasanız, qədərə tərk edilmiş olarsınız və unutmayın ki, ən uğursuz plan belə heç plan olmamasından yaxşıdır. Gəmi kapitanı analogiyamıza geri dönəcək olsaq, hədəflənən limandan 5-10 dərəcə yayınmaq heç hədəf liman olmamasından daha yaxşıdır. Yelkən açmanın məqsədi bir yerə çatmaqdır,marketinq planı olmadan dənizlərdə məqsədsiz olaraq gəzər, bəzən quruya çata bilərsiniz, amma çox vaxt açıq dənizlərdə başı boş gəzərsiniz. Xəritəsi olmayan bir kapitanın okean dibindən başqa bir şey kəşf etdiyi çox nadir olaraq görülmüşdür.
Əməliyyat təlimatları: Marketinq planınız şirkətinizin müvəffəqiyyəti üçün addım-addım rəhbərdir. Həqiqi bir marketinq planı tərtib etmək üçün şirkətinizi ən təpədən ən alta qədər qiymətləndirməli və bütün parçaların bir yerdə ən yaxşı şəkildə işlədiyindən əmin olmalısınız. Gələn il bu şirkəti harada görmək istəyirsiniz? Özünüzə bu sualı “ediləcəklər siyahısı” yaratmaq üçün verin. Bu sizin hədəflərinizi müəyyən etmənizi təmin edəcək.
Düşüncələrin nəzarəti: Maliyyəçilərin rəqəmləri ağlında tutmasını gözləməzsiniz. Maliyyə hesabatları bir müəssisənin nömrə hissəsinin həyat damarlarıdır. Marketinq da bundan fərqi olmamalıdır. Yazılı marketinq sənədiniz də sizin oyun planınızdır. Əgər ayrılan və ya yeni gələn insanlar olarsa, əgər hadisələri, müəyyən şeyləri dəyişdirmək üçün təzyiq yaratmaq gərəkərsə, yazılı marketinq planındakı məlumatlar sizə razı qaldığınız şeyləri xatırlatmaq üçün orada dayanar.
Üst səviyyə düşünmə: Rəqabətli iş həyatının gündəlik keşməkeşləri içərisində xüsusilə gündəlik əməliyyatın içində olmayanların marağını böyük fotoşəkilə yönəltməsi çətindir. Həqiqətən periodik olaraq işinizi düşünməniz sizə və çalışanlarınıza istədiklərinizi təmin edirmi, əlavə edəbiləcəyiniz yeniliklər varmı, məhsullarınızı, satış heyətinizdən və bazardan gözlədiyiniz hər şeyi əldə edə bilirsinizmi? Marketinq planınızı yazmanız bu üst səviyyə düşünmə üçün ən yaxşı zamandır. Marketinq planı etmək çox dərin düşünmə və konsentrasiya tələb edən bir işdir. Bəzi şirkətlər özlərini yalnız şirkətin gələcəyi ilə əlaqədar düşünməyə həsr edib ən sağlam marketinq planını yazsınlar deyə üst səviyyə marketinq heyətini gündəlik işdən uzaqlaşdırırlar.

İdeal olaraq bir neçə illik marketinq planı yazdıqdan sonra geriyə çəkilib izləmək, ilbəil şirkətin irəliləməsini müşahidə etməkdir. Bu illər ərzində iş həyatınızla əlaqədar nələr etdiyinizə dair obyektiv bir dünyagörüşü təmin edər. Bunun üçün zaman ayırmaq hər zaman çox asan olmaya bilər, amma heç olmasa illik Marketinq planı yaratmaq çox əhəmiyyətlidir.Marketinq planının faydalarını gördükdən sonra indidə 5 addımda necə Marketinq Planı yarada bilərsiniz?

5 ADDIMDA Marketinq Planı
1. Bir marketinq anlayışı olan USP (Unique Selling Proposition) yəni "Xüsusi Satış Planı" nızı müəyyən edir. Sizi sektorunuzdakı digər firmalardan fərqləndirən xüsusiyyətiniz üzərinə bir marketinq planı inkişaf etdirməlisiniz. Əvvəlcə USP'lərinizi yaradın, daha sonra bunu Marketinq 4 P'sinin (Price, Product, Promotion, Place) hər biri ilə şərik USP'nizi bunun üzərinə inşa edin.
2. Hədəf kütlənizi seçin: Marketinq strategiyanızda olan məlumatlar etmiş olduğunuz bazar araşdırması ilə bağlı olmalıdır. Hədəf kütlənizi açıq və dəqiq bir şəkildə təyin etməlisiniz və bu kütlənin nələrdən xoşlandığını, nələrə ehtiyacı olduğunu və nələr gözlədiyini bilməlisiniz. Bu şəkildə auditoriya üçün marketinq strategiyaları daha doğru və uyğun olacaq.
3. Məhsul ya da xidmətinizin faydalarını yazın.
4. Məhsulunuzun ya da xidmətinizin yerləşdirməsini edin. Bir çox ağıllı investor məhsullarını və ya xidmətlərini müştərilərinin zehinində necə yerləşdirəcəkləri haqqında çox zaman xərcləyər. Bunun üçün çox üsul vardır ki, müvəffəqiyyət doğru olanı seçə bilməklə gəlir. Məsələn, bir proqram satırsınız, tətbiqinizi;
• Ən ucuz
• Ən çox xüsusiyyəti olan
• İstifadəsi ən asan
• Ən etibarlı kimi xüsusiyyətləri ilə yerləşdirə bilərsiniz.
Məhsulu ya da xidmətinizi doğru yerləşdirib hədəf kütlənizi köçürə bilsəniz güclü bir marka şəxsiyyəti yarada bilərsiniz.
5. Marketinq üsullarınıza qərar verin. İlk dörd maddəni tamamladıqdan sonra bunları hansı kanallarla istifadəçi ilə görüşdürəcəyinizi seçməlisiniz. Məsələn; reklam vermək, internetdən marketinq etmək, birbaşa marketinq etmək, və s.

Yaxşı hazırlanmış bir marketinq planı və doğru tətbiq sizi hədəflərinizə çatdıracaq.